Game da Badariyya

Badariyya labari ne da ya shafi soyayya, rayuwar iyali, buri, da kuma irin zaɓukan da mutum kan yi a lokacin da rayuwa ba ta ba shi isasshen lokaci ba.

Badariyya ’yar shekara 29 ce, wadda ta yi karatun jami’a inda ta samu digiri a fannin Biochemistry. Bayan kammala karatunta, ta gina kanta tare da samun nasara wajen koyar da girke-girke a kafafen sada zumunta. Yayin da yawan mabiyanta ke ƙaruwa, haka ma burinta na buɗe makarantar koyar da girke-girke ta zamani ke ƙara girma. Burinta shi ne ta gina rayuwar da ta zaɓa wa kanta, ta kuma dogara da ƙoƙarinta wajen cimma burinta.

Sai dai duk waɗannan tsare-tsare sun shiga cikin wani sabon hali bayan mahaifinta ya ba ta wa’adi: tana da kwanaki sittin kacal ta nemo mijin da za ta aura, ko kuma shi da kansa ya zaɓa mata wanda za ta aura.

Yayin da kwanakin wa’adin ke raguwa, Badariyya ta tsinci kanta a tsakiyar buri, al’ada, soyayya da kuma ’yancin yanke shawarar rayuwarta da kanta. A gefe ɗaya, tana son ta cigaba da gina rayuwar da ta yi mafarki a kanta; a ɗaya gefen kuma, tana fuskantar matsin lamba daga iyaye da al’adar da ke ganin lokaci ya yi da za ta yi aure.

Yayin da take fuskantar waɗannan manyan zaɓuka da za su iya sauya makomar rayuwarta, Badariyya dole ta gano abin da ya fi muhimmanci a gare ta, abin da take shirin ta sadaukar, da kuma irin farashin da za ta biya domin ta cimma burinta.

Ku biyo Badariyya a wannan tafiyar yayin da take neman gano wacece ita, burikanta da kuma tambayar da ke tsakiyar wannan labari: Idan makomarka ta zo da wa’adi, waye ke da ikon yanke abin da zai biyo baya?

Kalli

Badariyya wata matashiyar ’yar Arewacin Najeriya ce mai buri da ƙwazo. Tana mafarkin gina sana’a a fannin girke-girke, ƙirƙirar abubuwa a kafafen sada zumunta, da kasuwanci.

Za a fara haska shi ranar 4 ga watan Oktoba 2026

Ku CI Gaba Da Bin

Kada ku bari wani bangare na shirin ya wuce ku. Ku saurari dukkan shirye-shiryen Badariyya a duk lokacin da kuke so, a duk inda kuke, ta dandalin da muka samar.

Idan labaran da kuka ji sun yi kama da abubuwan da kuke fuskanta a rayuwarku, kuma kuna buƙatar ƙarin shawarwari ko tallafi, za ku iya tattaunawa cikin sirri da ƙwararren mai ba da shawara.

Sharuɗɗa da Ƙa’idojin Amfani da Sabis ɗin IVR

A halin yanzu, masu amfani da layin Airtel ne kaɗai za su iya amfani da wannan sabis. Za ku iya kiran sabis ɗin har sau 10 a kowane wata ba tare da biyan kuɗi ba. Amma daga kira na 11, za a riƙa cire kuɗin kira bisa tsarin kuɗin kiran Airtel na yau da kullum. A farkon kowane sabon wata, za a sake ba ku damar yin kira 10 kyauta. Da zarar kuka fara amfani da wannan sabis, hakan na nufin kun fahimci waɗannan sharuɗɗa kuma kun amince da su.

airtel logo

Saurari Shirin Badariyya a kusa da kai

Ana watsa shirin Badariyya da sauran shirye-shiryensa duk mako a gidajen rediyo 18 a faɗin Kano, Kaduna, Jigawa da Sakkwato. Zaɓi jiharka domin gano gidan rediyonka da lokacin sauraro.

Shiri
Jiha

MTTN

Jigawa Radio

Jigawa
Mon9:30am
Badariyya

Jigawa Radio

Jigawa
Mon11:30am
Iyalina

Freedom Jigawa

Jigawa
Mon1:30pm
Iyalina

Sawaba Radio

Jigawa
Tue11:00am
Badariyya

Freedom Jigawa

Jigawa
Tue1:30pm
Iyalina

Jigawa Radio

Jigawa
Tue3:00pm
MTTN

Sawaba Radio

Jigawa
Wed11:00am
Badariyya

Sawaba Radio

Jigawa
Wed1:30pm
MTTN

Freedom Jigawa

Jigawa
Thu11:45am
MTTN

KSMC Kafanchan

Kaduna
Mon10:05am
Iyalina

KSMC Kada (Kaduna)

Kaduna
Mon10:15am
Badariyya

KSMC Kada (Kaduna)

Kaduna
Mon11:15am
MTTN

Vision Media

Kaduna
Mon2:00pm
Badariyya

KSMC Kafanchan

Kaduna
Tue11:30am
Iyalina

KSMC Kafanchan

Kaduna
Tue12:30pm
Iyalina

Invicta FM

Kaduna
Tue3:15pm
Badariyya

Vision Media

Kaduna
Tue7:00pm
Iyalina

Alheri Radio Zaria

Kaduna
Tue7:15pm
Badariyya

Freedom Kaduna

Kaduna
Wed10:00am
MTTN

KSMC Kada (Kaduna)

Kaduna
Wed3:30pm
MTTN

Freedom Kaduna

Kaduna
Wed3:30pm
Badariyya

Invicta FM

Kaduna
Wed3:30pm
MTTN

Alheri Radio

Kaduna
Wed4:00pm
Iyalina

Vision Media

Kaduna
Wed4:05pm
YAU
Iyalina

Freedom Kaduna

Kaduna
Fri3:15pm
YAU
Badariyya

Alheri Radio Zaria

Kaduna
Fri6:30pm
MTTN

Invicta FM

Kaduna
Sat3:15pm
Badariyya

Alheri Radio

Kaduna
Sat4:30pm
MTTN

Alheri Radio Zaria

Kaduna
Sun10:30am
Iyalina

Alheri Radio

Kaduna
Sun10:30am
Badariyya

Arewa Radio

Kano
Mon12:30pm
MTTN

Radio Kano

Kano
Mon6:00pm
Iyalina

Radio Kano

Kano
Tue3:30pm
Badariyya

Vision FM

Kano
Tue7:00pm
MTTN

Freedom Kano

Kano
Wed11:00am
Badariyya

Radio Kano

Kano
Wed12:30pm
Iyalina

Freedom Kano

Kano
Wed12:30pm
Badariyya

Freedom Kano

Kano
Thu10:00am
Iyalina

Arewa Radio

Kano
Thu11:30am
Iyalina

Vision FM

Kano
Thu1:30pm
YAU
MTTN

Vision FM

Kano
Fri11:30am
YAU
Iyalina

Express Radio

Kano
Fri2:30pm
YAU
MTTN

Express Radio

Kano
Fri2:30pm
Badariyya

Express Radio

Kano
Sat11:05am
MTTN

Arewa Radio

Kano
Sat6:30pm
MTTN

RIMA

Sokoto
Mon10:00am
MTTN

Garkuwa 95.5

Sokoto
Mon10:00am
Badariyya

Garkuwa 95.5

Sokoto
Mon12:00pm
Iyalina

Garkuwa 95.5

Sokoto
Tue5:30pm
MTTN

Vision

Sokoto
Wed9:30am
Iyalina

RIMA

Sokoto
Wed2:00pm
Badariyya

Vision

Sokoto
Thu9:30am
Badariyya

RIMA

Sokoto
Thu5:00pm
YAU
Iyalina

Vision

Sokoto
Fri9:00pm

Kalli Shirin

Ku kasance tare da Badariyya, daddaɗan, ƙayataccen shirin nan mai nishaɗantarwa. Ku more kallon shirin a duk lokacin da kuke so a tashar Arewa 24. Kuma ka da ku manta, ana kawo muku sabon shirin duk ranar Lahadi da ƙarfe 8 na dare.

Tambayoyin Da Ake Yawan Yi

Me labarin Badariyya ya ƙunsa?

Badariyya shiri ne da ya ta’allaƙa kan soyayya,rayuwar iyali, buri da kuma irin zaɓukan da mutum ke yi lokacin da al’ada da burikan mutum suka ci karo da juna. Labarin na biye da Badariyya yayin da take ƙoƙarin gina sana’a da makomar rayuwarta, a lokaci guda kuma tana fuskantar matsin lamba daga iyayenta da kuma wa’adin lokaci da ba ta yi tsammani ba.

Me yasa tattaunawa take da muhimmanci a cikin aure?

Tattaunawa cikin girmamawa tsakanin ma’aurata yana taimakawa wajen gina zama na amana da fahimtar juna, hakan na taimaka musu su haɗa kai wajen magance matsalolin da suke fuskanta. 

Kyakkyawar tattaunawa na ƙara inganta zamantakewa kuma ta taimaka musu wajen yanke shawarar da ta shafi iyalinsu tare.

Ta yaya ma’aurata za su tattauna akan abubuwan da ke damunsu ba tare da rikici ya taso ba?

A zaɓi lokacin da kowa yake cikin nutsuwa, a saurari juna da kyau, a guji ɗora wa juna laifi, sannan a mayar da hankali wajen neman mafita tare. Idan ana mutunta ra’ayin juna yayin tattaunawa, kowa zai samu damar faɗin abin da yake tunani, kuma hakan zai taimaka wajen hana rashin fahimta rikiɗewa zuwa rikici.

Ta yaya ma’aurata za su inganta tattaunawarsu a lokacin da abubuwa suka yi musu yawa ko suka musu tsauri?

Ware lokaci na yin hira a kai a kai, ko da na ‘yan mintuna ne a kowace rana, na iya taimaka wa ma’aurata su ƙara kusanci. Tambayar juna yadda ake ciki, bayyana abubuwan da ke damun mutum cikin sakin rai, da kuma tallafa wa juna na iya ƙarawa dangantakarsu ƙarko, musamman a lokutan da ake fuskantar ƙalubale.

Me ya sa yake da muhimmanci ma’aurata su riƙa yanke shawara tare?

Yanke shawara tare na taimaka wa kowanne daga cikinsu ya ji cewar ana sauraron sa, ana mutunta sa, kuma yana da hannu a cikin abubuwan da suka shafi iyalin. Tattauna batun kuɗi, tarbiyyar yara da kuma rayuwar da zasu fuskanta a gaba na iya taimaka musu su samu mafita mai kyau kuma su ƙara ƙarfin dangantakar da ke tsakaninsu.

Yaya ma'aurata za su yi idan ba sa jin daɗin tattauna maganganu masu muhimmanci a tsakaninsu?

Ku yi ƙoƙarin zaɓar lokaci da wurin da ya dace ku yi magana cikin nutsuwa ba tare da wani abu ya ɗauke hankalinku ba. Faɗawa juna gaskiya, nutsuwa da mutunta juna na iya sauƙaƙa tattauna abubuwan da suke da wahala, ya kuma taimaka tattaunawar ta zamo mai ma’ana.

Ta yaya ma’aurata za su magance rashin fahimtar juna yadda ya kamata?

Magance rashin fahimta yana farawa ne da sauraron juna da kyau, yin tambayoyi domin a fahimci abin da ake nufi, da kuma guje wa yin zato. Mayar da hankali kan matsalar da ake son warwarewa maimakon ɗora wa juna zargi na iya taimaka wa ma’aurata su samu mafita kuma su sake fahimtar juna.

Waɗanne ɗabi’u ne suke taimaka wa iyali su zauna lafiya?

Daga cikin irin waɗannan ɗabi’u akwai mutunta juna, ɗaukar nauyi, gaskiya da riƙon amana, haɗin kai da kuma tallafa wa juna. Irin waɗannan ɗabi’u na taimaka wa wajen samar da yanayin zaman lafiya a gida da kuma ƙara danƙon dangantaka cikin iyali.

Me ya sa yake da muhimmanci a riƙa taimakawa wajen ayyukan gida?

Raba nauyin ayyukan gida na iya rage wa mutum ɗaya yawan damuwar da ke kansa, tare da ƙarfafa haɗin kai a cikin gida. Idan kowa a cikin iyali na taimakon juna, hakan na iya ƙara danƙon zumunci da kuma sa rayuwar gida ta kasance cikin daidaito.

Ta yaya iyali za su ƙarfafa haɗin kai a tsakaninsu?

Iyali na iya ƙarfafa haɗin kai ta hanyar raba ayyukan gida, tallafa wa juna wajen cimma burin kowa, da kuma haɗa kai wajen magance matsaloli. Ƙananan abubuwan da ake yi tare za su taimaka wajen ƙara mutunta juna da ƙara danƙon zumunci.

Me ya sa mutunta juna yake da muhimmanci a tsakanin iyali?

Mutunta juna na taimaka wa kowane mutum a gidan ya ji cewar an daraja shi kuma ana sauraron sa. Idan ana mu’amala da juna cikin kyautatawa da sanin ya kamata, hakan na taimakawa wajen samar da yanayin zaman lafiya da taimakon juna a cikin gida.

Ta yaya iyali za su taimaki juna wajen cimma burikansu?

Iyali za su iya taimaka wa juna ta hanyar ƙarfafa wa juna gwiwa, su tattauna yadda kowa ke son cimma burinsa, raba ayyuka da nauye-nauyen gida, da kuma samar da yanayin da kowanen su zai samu damar koyo, cigaba da kuma kokarin cimma burikansa.

Ta yaya kowanne iyali za su samar da yanayin da zai taimaka wa kowa ya cigaba?

Iyali na iya taimaka wa juna wajen ci gaba ta hanyar murna da nasarorin juna, ƙarfafawa juna wajen neman ilimi, ba da ƙwarin gwiwa idan an fuskanci matsala, da kuma taimaka wa juna wajen koyon sabbin abubuwa.

Ta yaya tsara manufofi ke taimakawa wajen cimma buri?

Tsara manufofi a bayyane kuma waɗanda zasu yiwu na ɗora mutum a hanya da kuma ba shi ƙwarin gwiwar cimma burinsa.

Rarraba manyan burirrika zuwa ƙananan matakai da za a iya cimmawa na iya taimaka wa mutum ko iyali su rika samun ci gaba a hankali.

Me ya sa yake da muhimmanci iyali su tsara yadda za su tafiyar da kuɗaɗensu?

Tsara yadda za a tafiyar da kuɗi na taimaka wa iyalai wajen kula da abubuwan da suke kashe kuɗi a kansu, a yi tanadi don abubuwan da ba a yi tsammani ba, da kuma don buƙatun gaba. Hakan na kuma taimaka musu wajen yanke shawarar yadda za su yi amfani da kuɗin a harkokin gida.Yin kyakkyawan tsare- tsare na taimakawa wajen daidaita al’amura da kawo kwanciyar hankali.

Ta yaya iyalai za su inganta yanayin kashe kuɗaɗensu?

Iyali na iya inganta yanayin kashe kuɗaɗensu ta hanyar tsara kasafin kuɗi, fifita abubuwan da suka fi muhimmanci, yin tanadi a kai a kai, da kuma tattauna batutuwan kuɗi tare. Yin tanadi, sannu a hankali na iya taimakawa a samu wadatuwar kuɗi a gaba.

Me ya sa yake da muhimmanci iyalai su tattauna batun kuɗi tare?

Tattaunawa a bayyane game da kuɗi na taimaka wa iyali su fahimci abin da kowa yake tsammani, su shirya abubuwan da za su buƙata a gaba, kuma su yanke shawara tare bisa bayanan da suka dace. Bayyana halin da ake ciki na kuɗi ga juna na kuma iya rage rashin fahimta da kuma sa kowa ya san abin da yake da haƙƙi a kai.

Waɗanne hanyoyi ne masu sauƙi da iyalai za su bi wajen tafiyar da kuɗaɗensu yadda ya kamata?

Rubuta da bibiyar abubuwan da ake kashe kuɗi a kai, tsara abin da ake son tarawa, fifita abubuwan buƙata a kan abubuwan sha’awa, da kuma duba kasafin kuɗi lokaci-lokaci na iya taimaka wa iyali su yi amfani da kuɗin da suke da shi yadda ya kamata, tare da shiryawa game da abubuwan da za su zo a gaba.

Sharuɗɗa da Ƙa'idojin Amfani da Sabis ɗin IVR

A halin yanzu, masu amfani da layin Airtel ne kaɗai za su iya amfani da wannan sabis. Za ku iya kiran sabis ɗin har sau 10 a kowane wata ba tare da biyan kuɗi ba. Amma daga kira na 11, za a riƙa cire kuɗin kira bisa tsarin kuɗin kiran Airtel na yau da kullum. A farkon kowane sabon wata, za a sake ba ku damar yin kira 10 kyauta. Da zarar kuka fara amfani da wannan sabis, hakan na nufin kun fahimci waɗannan sharuɗɗa kuma kun amince da su.